Thlichia nih a chuahpimi khuhhrin zawtnak ralrin peknak, zawt hmelchunhnak pawl le thlopnak kong ngah. Hi hramh a par i ahang chuah caan ah timhcia tein um.
Thlichia nih a chuahpimi khuhhrin zawtnak cu zeidah a si?
Victoria ah, hramh a par i ahang a chuahcaan cu 1 Tho (October) in 31 Dipa (December) karlak ah a si tawn. Hi caan ah, khuhhrin zawtnak le pangpar ahang nih a chuahtermi taklinhnak a tam kha na hngalh men lai. Khuacaan nih thlichia nih a chuahpimi khuhhrin zawtnak lam a ratpi fawn.
Thlichia nih a chuahpimi khuhhrin zawtnak cu thli lakah hram a par i ahang tampi a um caan le thlichia a um caan ah a cang kho. Hramh a par i ahang a zawimi hnah kha thli nih a choih i lamhlat pi tiang a kalpi. Cheukhat cu a kek kho i thlichia a chuah hlan deuh te ah a chuakmi thlichia ah aa pummi thil hme tete an a thlah khawh. Hi thil hme tete hna hi minung nih an cuap chung fakpi in thaw an chuah khawhnak dingah an hme tuk i khuhhrin zawtnak hmelchunhnak kha rang tukin a chuahter khawh, khuhhrin zawtnak a ngei bal lomi hna sin hmanh ah.
Hi dirhmun in um lioah caan tawite chung i mi tampi nih khuhhrin zawtnak hmelchunhnak an ngeih tikah, cu cu zawtnak hrik a chuahtertu thlichia nih a chuahpimi zawtnak tiah hngalh a si.
Aho dah tihnung dirhmun ah a um?
Thlichia nih a chuahpimi khuhhrin zawtnak tihnung dirhmun ah a ummi hna ahhin atu lio asiloah hlan lio khuhhrin zawtnak, zawt kawlnak ah hmuh lomi khuhhrin zawtnak asiloah thal luhka i pangpar ahang nih a chuahtermi taklinhnak a ngeimi hna an i tel. Khuhhrin zawtnak le pangpar ahang nih a chuahtermi taklinhnak a ngeimi hna caah cun a hlei in an khuhhrin zawtnak kha tha tein thing khawh a si lo ahcun tihnung deuh a si.
Hi hramh a par i ahang chuahcaan ah nangmah tein i kilveng
Hi thil a fawimi tuah dingmi hna zulhnak hmang in nangmah le na zohkhenhmi hna kha na huhphenh khawh hna:
- Zawtnak hrik a chuahtertu thlichia nih a chuahpimi khuhhrin zawtnak tihnung kong chimchungmi kha zohfel:
- Vic Lakhruak thlichia nih a chuahpimi khuhhrin zawtnak chimchungnak kha zoh
- VicEmergency kha AppStore asilole Google Play hmangin dawnglawt.
- Thlichia a hran lio ah a leng ah chuak hlah, a hlei in thlichia a hran hlan i thli a hran lio ah. Inn chung ah lut law innka le thlalangawnka pawl khar hna. Inn asiloah mawtaw chung ah lenglei in thli a luhtertu thlichuahternak seh thilri paohpoah kha phih dih hna (thli lumternak seh telh chih in).
- Chimh ning tein nangmah runvennak sii kha ding.
- Khuhhrin zawtnak tawlrel ning kong kha hngal. Na khuhhrin zawtnak thlopnak lei timhtuahnak kha zul asilole khuhhrin zawtnak caah a hmasat bawmhnak kha hmang.
Khuhhrin zawtnak
- Khuhhrin zawtnak na ngeih ahcun – na khuhhrin zawtnak chek dingah na GP sin ah chim, cun na khuhhrin zawtnak sii a dikmi na ngeih i tha tein na hman le hman lo zohfel dingah na khuhhrin zawtnak thlopnak lei timhtuahnak kha zohthan law tharchuah. I chingchiah, chimh ning tein khuhhrin zawtnak khamnak sii din cu a biapi tuk. Thlichia nih a chuahpimi khuhhrin zawtnak telhchih in khuhhrin zawtnak hmelchunhnak pawl runven ding ah a bawmh.
- Khuhhrin zawtnak na rak ngeih bal ahcun – thlichia nih a chuahpimi khuhhrin zawtnak in nangmah tein i vennak kong kha na GP sin ah chim.
- Thaw na chuah tikah aw dang a chuakmi a um, thawchuah awk na ngeih lo, na tang an phih asilole na khuh peng ahcun – na GP sin ah cim. Khuhhrin zawtnak na ngeih le ngeih lo le mah zawt hmelchunhnak pawl tawlrel ning hngalh awkah an in bawmh khawh lai.
- Nangmah damtertu sii dinmi kha i ken zungzal – hihi cu na lakhruak khuhhrin zawtnak a hmasat bawmhnak sii dinmi a si.
Khuhhrin zawtnak lei hmelchunhnak a din deuhmi caah, na GP tong, sii an zuarhtu he bia i ruah asiloah zohkhenhnak dang thimkhawhmi pawl kha ngah. Na dirhmun a that hlei deuh lo asilole a zual deuh ahcun 000 chawn asiloah sizung ah kal.
Pangpar ahang nih a chuahtermi taklinhnak
- Thal luhka i pangpar ahang nih a chuahtermi taklinhnak na ngeih ahcun – sii an zuarhtu asilole GP sin ah chim. Pangpr ahang nih a chuahtermi taklinhnak thlopnak lei timhtuahnak sernak ah an in bawmh khawh lai i thlichia nih a chuahpimi khuhhrin zawtnak in i vennak lam an in chimh khawh lai. Hi ah hin thlichia nih a chuahpimi khuhhrin zawtnak na ngeih sual ahcun khuazei ah dah rang tein khuhhrin zawtnak damtertu sii na hmuh khawh lai ti hngalh aa tel lai – hi hna hi sii dawr pawl sin in sibawi tialpiakmi loin hmuh khawh an si.
- Khuhhrin zawtnak hmelchunhnak pawl na ngeih ahcun – khuhhrin zawtnak a hmasat bawmhnak tuah dingmi pawl kha zulh law na GP he pehzulhnak tuah hrimhrim uh.
- Pangpar ahang nih a chuahtermi taklinhnak he khuhhrin zawtnak hmelchunhnak na ngeih asiloah naa fian lo ahcun – na GP tong. Zawt kawlnak an tuah hnu ah tha tein thlopnak na ngah khawh lai i cu nih cun na intuarnak le thawchuahnak a thatter deuh ving lai.
Khuhhrin zawtnak a hmasat bawmhnak
Mibu chung a um mi vialte nih khuhhrin zawtnak a hmasat bawmhnak kong hngalh a biapi. Khuhhrin zawtnak a hmasat bawmhnak kong cu Better Health Channel, Asthma le National Asthma Council sin in hmuh khawh a si.
Zero pathum (000) chawn colh:
- mi pakhat cu thaw a chuah lo ahcun
- a khuhhrin zawtnak cu ruah lo piin a zual asilole a that deuh lo ahcun
- Minung cu khuhhrin zawtnak a ngei i damtertu sii dinmi a ngah khawh lo ahcun
- mi pakhat nih khuhhrin zawtnak a ngeih le ngeih lo aa fian lo ahcun
- mi pakhat cu anaphylaxis a ngei tiah hngalh a si ahcun. Cuti a si ahcun, adrenaline autoinjector pe hmasa peng cun vun lei zawt hmelchunhnak pawl a um lo zong ah, damtertu sii pe.
Hi thlisining kong hi holh dang in hmuh na duh ahcun Calehnak le Holhlehnak lei Riantuanpiaknak (TIS kha 131 450 (man loin chawnh) ah pehtlaihnak tuah law Nurse-on-Call (Chawnh khawhmi Sisayama) chawnh dingin hal hna.
Hnachet mi na si, khuatheih naa harh, asiloah biachim/chawhbiaknak ah chambaunak na ngeih ahcun National Relay Service (NRS) (Rampumpi huap Chawnhpiakchinnak lei Riantuanpiaknak kha pehtlaihnak tuah law Nurse-on-Call (Chawnh khawhmi Sisayama) chawnh dingin hal hna.
Pehtlaihnak a ngeimi thilsining kong
- Better Health Channel thlichia nih a chuahpimi khuhhrin zawtnak webpage
- Thlichia nih a chuahpimi khuhhrin zawtnak
- Melbourne website asilole app
- Asthma
- National Asthma Council
Bawmh hmuhnak hmun
- Lakhruak in a can ahcun, zero pathum (000) chawn peng
- Victoria ah rianrang in zohkhenhnak lei riantuanpiaknak pawl
Content disclaimer
Content on this website is provided for information purposes only. Information about a therapy, service, product or treatment does not in any way endorse or support such therapy, service, product or treatment and is not intended to replace advice from your doctor or other registered health professional. The information and materials contained on this website are not intended to constitute a comprehensive guide concerning all aspects of the therapy, product or treatment described on the website. All users are urged to always seek advice from a registered health care professional for diagnosis and answers to their medical questions and to ascertain whether the particular therapy, service, product or treatment described on the website is suitable in their circumstances. The State of Victoria and the Department of Health shall not bear any liability for reliance by any user on the materials contained on this website.
Reviewed on: 27-10-2026