ਸੰਖੇਪ ਜਾਣਕਾਰੀ
Read the full fact sheet- ਜਦੋਂ ਕੋਈ ਸਦਮਾਮਈ ਘਟਨਾ ਵਾਪਰਦੀ ਹੈ, ਤਾਂ ਘਟਨਾ ਤੋਂ ਬਚਣਾ ਸਿਖਲਾਈ, ਅਨੁਭਵ ਜਾਂ ਤੇਜ਼ ਪ੍ਰਤੀਕਿਰਿਆਵਾਂ 'ਤੇ ਨਿਰਭਰ ਹੋ ਸਕਦਾ ਹੈ।
- ਜੇ ਤੁਸੀਂ ਕਿਸੇ ਸਦਮੇ ਵਾਲੀ ਘਟਨਾ ਵਿੱਚੋਂ ਬਚ ਗਏ ਹੋ, ਭਾਵੇਂ ਤੁਸੀਂ ਜ਼ਖਮੀ ਸੀ ਜਾਂ ਸਰੀਰਕ ਤੌਰ 'ਤੇ ਨੁਕਸਾਨ ਨਹੀਂ ਹੋਇਆ, ਇਹ ਪਛਾਣਨਾ ਮਹੱਤਵਪੂਰਨ ਹੈ ਕਿ ਸਦਮੇ ਨਾਲ ਭਾਵਨਾਤਮਕ ਸੱਟ ਵੀ ਲੱਗਦੀ ਹੈ।
On this page
ਜਦੋਂ ਕੋਈ ਸਦਮਾਮਈ ਘਟਨਾ ਵਾਪਰਦੀ ਹੈ, ਤਾਂ ਘਟਨਾ ਤੋਂ ਬਚਣਾ ਸਿਖਲਾਈ, ਅਨੁਭਵ ਜਾਂ ਤੇਜ਼ ਪ੍ਰਤੀਕਿਰਿਆਵਾਂ 'ਤੇ ਨਿਰਭਰ ਹੋ ਸਕਦਾ ਹੈ। ਇਹ ਇਸ ਗੱਲ 'ਤੇ ਵੀ ਆ ਸਕਦਾ ਹੈ ਕਿ ਉਸ ਘਟਨਾ ਹੋਣ ਸਮੇਂ ਤੁਸੀਂ ਖ਼ਤਰੇ ਦੇ ਸੰਬੰਧ ਵਿੱਚ ਕਿੱਥੇ ਸੀ।
ਜੇ ਤੁਸੀਂ ਕਿਸੇ ਸਦਮੇ ਵਾਲੀ ਘਟਨਾ ਵਿੱਚੋਂ ਬਚ ਗਏ ਹੋ, ਭਾਵੇਂ ਤੁਸੀਂ ਜ਼ਖਮੀ ਸੀ ਜਾਂ ਸਰੀਰਕ ਤੌਰ 'ਤੇ ਨੁਕਸਾਨ ਨਹੀਂ ਹੋਇਆ, ਇਹ ਪਛਾਣਨਾ ਮਹੱਤਵਪੂਰਨ ਹੈ ਕਿ ਸਦਮੇ ਨਾਲ ਭਾਵਨਾਤਮਕ ਸੱਟ ਵੀ ਲੱਗਦੀ ਹੈ। ਬਚਣਾ (ਸਰਵਾਈਵਲ) ਅਕਸਰ ਗੁੰਝਲਦਾਰ ਭਾਵਨਾਤਮਕ ਪ੍ਰਤੀਕਰਮਾਂ ਨਾਲ ਜੁੜਿਆ ਹੁੰਦਾ ਹੈ ਜੋ ਪ੍ਰੇਸ਼ਾਨੀ ਦਾ ਕਾਰਨ ਬਣਦੇ ਹਨ ਅਤੇ ਘਟਨਾ ਤੋਂ ਬਾਅਦ ਰੋਜ਼ਮਰਾ ਜੀਵਨ ਨੂੰ ਮੁੜ ਸ਼ੁਰੂ ਕਰਨਾ ਮੁਸ਼ਕਲ ਬਣਾਉਂਦੇ ਹਨ। ਇਹਨਾਂ ਨੂੰ 'ਸਰਵਾਈਵਰ ਰਿਐਕਸ਼ਨ (ਬੱਚਣ ਵਾਲੇ ਦੀਆਂ ਪ੍ਰਤੀਕਿਰਿਆਵਾਂ)' ਵਜੋਂ ਜਾਣਿਆ ਜਾਂਦਾ ਹੈ।
ਕਿਸੇ ਸਦਮਾਮਈ ਘਟਨਾ ਵਿੱਚੋਂ ਬੱਚਣ ਵਾਲਿਆ ਦੇ ਆਮ ਪ੍ਰਤੀਕਰਮ ਕੀ ਹੁੰਦੇ ਹਨ?
ਕਿਸੇ ਸਦਮਾਮਈ ਘਟਨਾ ਤੋਂ ਬਚੇ ਹੋਏ ਵਿਅਕਤੀ ਦੇ ਰੂਪ ਵਿੱਚ ਤੁਸੀਂ ਬਹੁਤ ਸਾਰੇ ਆਮ ਭਾਵਨਾਤਮਕ ਪ੍ਰਤੀਕਰਮ ਮਹਿਸੂਸ ਕਰ ਸਕਦੇ ਹੋ:
- ਦੋਸ਼ੀਪਨ ਦੀ ਭਾਵਨਾ ਅਤੇ ਆਪਣੇ-ਆਪ ਨੂੰ ਦੋਸ਼ ਦੇਣਾ - ਇਹ ਮਹਿਸੂਸ ਕਰਨਾ ਕਿ ਕਿਸੇ ਤਰ੍ਹਾਂ ਨਾਲ ਤੁਹਾਡਾ ਬਚਾਅ ਉਹਨਾਂ ਲੋਕਾਂ ਦੀ ਕੀਮਤ 'ਤੇ ਹੋਇਆ ਹੈ ਜੋ ਮਰ ਗਏ ਜਾਂ ਜ਼ਖਮੀ ਹੋਏ ਸਨ।
- ਬੇਲੋੜਾਪਨ - ਇਹ ਮਹਿਸੂਸ ਕਰਨਾ ਕਿ ਲੋਕਾਂ ਨੂੰ ਬਖਸ਼ਿਆ ਜਾਣਾ ਚਾਹੀਦਾ ਹੈ ਕਿਉਂਕਿ ਉਹ ਖ਼ਾਸ, ਚੰਗੇ, ਕਾਬਲ ਹਨ ਜਾਂ ਉਨ੍ਹਾਂ ਕੋਲ ਕੋਈ ਵਿਸ਼ੇਸ਼ ਤੋਹਫ਼ਾ ਹੈ - ਅਤੇ ਇਹ ਮਹਿਸੂਸ ਕਰਨਾ ਕਿ ਉਹ ਸ਼ਰਤਾਂ ਤੁਹਾਡੇ 'ਤੇ ਲਾਗੂ ਨਹੀਂ ਹੁੰਦੀਆਂ ਹਨ
- ਮੈਨੂੰ ਬਚਣਾ ਨਹੀਂ ਚਾਹੀਦਾ ਸੀ - ਇਹ ਮਹਿਸੂਸ ਕਰਦੇ ਹੋਏ ਕਿ ਤੁਹਾਨੂੰ ਦੂਜਿਆਂ ਦੇ ਨਾਲ ਹੀ ਮਰ ਜਾਣਾ ਚਾਹੀਦਾ ਸੀ ਅਤੇ ਜ਼ਿੰਦਾ ਨਹੀਂ ਹੋਣਾ ਚਾਹੀਦਾ ਸੀ, ਜਿਸ ਨਾਲ ਤੁਸੀਂ ਆਪਣੀ ਪੁਰਾਣੀ ਜ਼ਿੰਦਗੀ ਨੂੰ ਦੁਬਾਰਾ ਸ਼ੁਰੂ ਕਰਨ ਵਿੱਚ ਅਸਮਰੱਥ ਮਹਿਸੂਸ ਕਰਦੇ ਹੋ
- ਆਪਣੀ ਪੁਰਾਣੀ ਜ਼ਿੰਦਗੀ ਨਾਲ ਸੰਪਰਕ ਟੁੱਟਣਾ - ਇੱਕ ਨਾਟਕੀ, ਅਸਾਧਾਰਨ ਘਟਨਾ ਉਸ ਜੀਵਨ ਵਿੱਚ ਫਿੱਟ ਨਹੀਂ ਬੈਠਦੀ ਜੋ ਤੁਸੀਂ ਪਹਿਲਾਂ ਜੀ ਰਹੇ ਸੀ ਅਤੇ ਤੁਸੀਂ ਆਮ, ਰੋਜ਼ਮਰਾ ਦੀਆਂ ਚਿੰਤਾਵਾਂ ਵਿੱਚ ਵਾਪਸ ਜਾਣ ਦੇ ਯੋਗ ਨਹੀਂ ਮਹਿਸੂਸ ਕਰਦੇ ਹੋ ਜਦੋਂ ਬਹੁਤ ਸਾਰੀਆਂ ਹੋਰ ਜ਼ਿੰਦਗੀਆਂ ਸਥਾਈ ਤੌਰ 'ਤੇ ਬਦਲ ਜਾਂਦੀਆਂ ਹਨ, ਅਤੇ ਤੁਹਾਡੇ ਆਲੇ ਦੁਆਲੇ ਦੇ ਲੋਕ ਇਹ ਸਮਝ ਨਹੀਂ ਸਕਦੇ ਹਨ
- ਦਿਸ਼ਾ ਭਟਕਣਾ - ਇਹ ਨਾ ਜਾਣਨ ਦੀ ਭਾਵਨਾ ਕਿ ਇਸ ਸਭ ਦਾ ਤੁਹਾਡੇ ਲਈ ਕੀ ਅਰਥ ਹੈ ਜਿਵੇਂ ਕਿ ਤੁਸੀਂ ਪਹਿਲਾਂ ਕਦੇ ਅਜਿਹਾ ਅਨੁਭਵ ਨਹੀਂ ਕੀਤਾ ਹੈ
- ਦੂਸਰਿਆਂ ਪ੍ਰਤੀ ਗੁੱਸਾ ਅਤੇ ਦੋਸ਼ ਦੇਣ ਦੀ ਭਾਵਨਾ - ਅਕਸਰ ਇਕ ਸੋਚ ਹੁੰਦੀ ਹੈ ਕਿ ਇਹ ਕਿਸਦਾ ਕਸੂਰ ਸੀ ਅਤੇ ਉਹਨਾਂ ਪ੍ਰਤੀ, ਜਾਂ ਐਮਰਜੈਂਸੀ ਸੇਵਾਵਾਂ, ਸਰਕਾਰ ਜਾਂ ਅਧਿਕਾਰ ਵਾਲੇ ਹੋਰ ਲੋਕਾਂ ਪ੍ਰਤੀ ਗੁੱਸੇ ਅਤੇ ਦੋਸ਼ ਕੱਢਣ ਦੀਆਂ ਤੀਬਰ ਭਾਵਨਾਵਾਂ। ਇਹ ਭਾਵਨਾਵਾਂ ਉਸ ਘਟਨਾ ਨੂੰ ਸਵੀਕਾਰ ਕਰਨ ਤੋਂ ਰੋਕ ਸਕਦੀਆਂ ਹਨ ਅਤੇ ਲਗਾਤਾਰ ਪ੍ਰੇਸ਼ਾਨੀ ਦਾ ਕਾਰਨ ਬਣ ਸਕਦੀਆਂ ਹਨ
- ਹਾਂ-ਪੱਖੀ ਪ੍ਰਤੀਕਿਰਿਆ - ਤੁਸੀਂ ਦੇਖ ਸਕਦੇ ਹੋ ਕਿ ਬਚਾਅ ਦੇ ਅਨੁਭਵ ਦਾ ਤੁਹਾਡੇ 'ਤੇ ਇੱਕ ਨਾਟਕੀ ਹਾਂ-ਪੱਖੀ ਪ੍ਰਭਾਵ ਹੈ, ਜਿਸ ਨਾਲ ਤੁਹਾਨੂੰ ਇਹ ਮਹਿਸੂਸ ਹੁੰਦਾ ਹੈ:
- ਜ਼ਿੰਦਗੀ ਦੇ ਨਵੇਂ ਅਰਥ ਹਨ (ਸ਼ਾਇਦ ਇਸ ਘਟਨਾ ਨੇ ਮਨੁੱਖਤਾਵਾਦੀ ਜਾਂ ਅਧਿਆਤਮਿਕ ਕਦਰਾਂ-ਕੀਮਤਾਂ ਨੂੰ ਪ੍ਰੇਰਿਤ ਜਾਂ ਮਜ਼ਬੂਤ ਕੀਤਾ ਹੈ)
- ਤੁਸੀਂ ਰੋਜ਼ਮਰਾ ਦੀਆਂ ਚੀਜ਼ਾਂ ਦੀ ਕਦਰ ਕਰਦੇ ਹੋ ਅਤੇ ਹੁਣ ਉਹਨਾਂ ਨੂੰ ਘੱਟ ਨਹੀਂ ਸਮਝਦੇ
- ਆਪਣੇ ਲਈ ਉਪਲਬਧ ਸਮੇਂ ਦੀ ਸਭ ਤੋਂ ਵਧੀਆ ਵਰਤੋਂ ਕਰਨ ਲਈ ਤੁਹਾਡੇ ਕੋਲ ਉਦੇਸ਼ ਦੀ ਨਵੀਂ ਭਾਵਨਾ ਹੁੰਦੀ ਹੈ।
- ਤੁਸੀਂ ਪਰਿਵਾਰ ਅਤੇ ਦੋਸਤਾਂ ਨਾਲ ਆਪਣੇ ਸੰਬੰਧਾਂ ਦੀ ਵੱਧ ਤੋਂ ਵੱਧ ਕਦਰ ਕਰਦੇ ਹੋ
- ਤੁਸੀਂ ਭਾਈਚਾਰੇ ਦੀ ਵਧੇਰੇ ਮਜ਼ਬੂਤੀ ਨਾਲ ਕਦਰ ਕਰਦੇ ਹੋ।
ਕਿਸੇ ਵੀ ਸਦਮਾਮਈ ਘਟਨਾ ਵਿੱਚੋਂ ਕੋਈ ਵੀ ਬਚਿਆ ਹੋਇਆ ਵਿਅਕਤੀ ਇਹਨਾਂ ਭਾਵਨਾਵਾਂ ਦਾ ਅਨੁਭਵ ਕਰ ਸਕਦਾ ਹੈ, ਜਿਸ ਵਿੱਚ ਸਹਾਇਕ, ਗਵਾਹ, ਐਮਰਜੈਂਸੀ ਲਈ ਪਹਿਲੇ ਜਵਾਬ ਦੇਣ ਵਾਲੇ, ਪਰਿਵਾਰਕ ਮੈਂਬਰ ਅਤੇ ਸਿਹਤ ਸੰਭਾਲ ਪ੍ਰਦਾਤਾ ਸ਼ਾਮਲ ਹਨ।
ਕਿਸੇ ਸਦਮਾਮਈ ਘਟਨਾ ਤੋਂ ਬਾਅਦ ਤੁਸੀਂ ਆਪਣੀ ਪੁਰਾਣੀ ਜ਼ਿੰਦਗੀ ਤੋਂ ਵੱਖ ਹੋਏ ਕਿਉਂ ਮਹਿਸੂਸ ਕਰ ਸਕਦੇ ਹੋ
ਮੌਤ ਅਤੇ ਸੱਟ ਦੇ ਨਾਲ ਨਜ਼ਦੀਕੀ ਸ਼ਮੂਲੀਅਤ ਅਹਿਮ ਅਤੇ ਭਾਰੀ ਭਾਵਨਾਤਮਕ ਪ੍ਰਤੀਕ੍ਰਿਆਵਾਂ ਪੈਦਾ ਕਰ ਸਕਦੀ ਹੈ ਜੋ ਰੁਟੀਨ ਕੰਮਾਂ ਕਾਰਾਂ ਵਿੱਚ ਵਾਪਸ ਜਾਣ ਲਈ ਪ੍ਰੇਰਿਤ ਮਹਿਸੂਸ ਕਰਨ ਨੂੰ ਔਖਾ ਬਣਾਉਂਦੀਆਂ ਹਨ। ਇਹ ਭਾਵਨਾਵਾਂ ਅਣਜਾਣ, ਤੀਬਰ ਅਤੇ ਧਿਆਨ ਮੰਗਦੀਆਂ ਹਨ, ਪਰ ਤੁਹਾਡੀ ਰੋਜ਼ਮਰਾ ਦੀ ਜ਼ਿੰਦਗੀ ਨਾਲ ਇਨ੍ਹਾਂ ਦਾ ਕੋਈ ਸੰਬੰਧ ਨਹੀਂ ਹੁੰਦਾ ਹੈ।
ਨਤੀਜੇ ਵਜੋਂ, ਤੁਹਾਡੀ ਪੁਰਾਣੀ ਜ਼ਿੰਦਗੀ ਹੁਣ ਪਹਿਲਾਂ ਵਾਂਗ ਮਹੱਤਵ ਨਹੀਂ ਰੱਖਦੀ। ਜੇ ਤੁਹਾਡੇ ਕੋਲ ਇਨ੍ਹਾਂ ਜਟਿਲ ਭਾਵਨਾਵਾਂ ਨੂੰ ਪ੍ਰਗਟ ਕਰਨ ਜਾਂ ਸਮਝਣ ਦਾ ਕੋਈ ਤਰੀਕਾ ਨਹੀਂ ਹੈ, ਤਾਂ ਇਹ ਤੁਹਾਡੇ ਪੁਰਾਣੇ ਜੀਵਨ ਨਾਲੋਂ ਦਿਸ਼ਾ ਭਟਕਣ ਅਤੇ ਸੰਪਰਕ ਟੁੱਟਣ ਦੀ ਭਾਵਨਾ ਦਾ ਕਾਰਨ ਬਣ ਸਕਦੀਆਂ ਹਨ।
ਇਹ ਸੰਪਰਕ ਉਹਨਾਂ ਲੋਕਾਂ ਨਾਲੋਂ ਟੁੱਟ ਸਕਦਾ ਹੈ ਜੋ ਤੁਹਾਡੇ ਨੇੜੇ ਹਨ; ਤੁਹਾਡੇ ਕੰਮ ਜਾਂ ਸਮਾਜਿਕ ਜੀਵਨ ਵਰਗੀਆਂ ਗਤੀਵਿਧੀਆਂ ਤੋਂ; ਜਾਂ ਉਹਨਾਂ ਚੀਜ਼ਾਂ ਤੋਂ ਜੋ ਪਹਿਲਾਂ ਅਰਥਪੂਰਨ ਸਨ, ਜਿਵੇਂ ਕਿ ਧਰਮ, ਸ਼ੌਕ ਅਤੇ ਖੇਡਾਂ ਨਾਲੋਂ ਟੁੱਟ ਸਕਦਾ ਹੈ। ਤੁਹਾਡੇ ਕੋਲ ਉਸ ਵਿਅਕਤੀ ਤੋਂ ਵੱਖ ਹੋਣ ਦੀਆਂ ਭਾਵਨਾਵਾਂ ਵੀ ਹੋ ਸਕਦੀਆਂ ਹਨ ਜੋ ਤੁਸੀਂ ਇਸ ਘਟਨਾ ਤੋਂ ਪਹਿਲਾਂ ਆਪਣੇ ਆਪ ਨੂੰ ਮਹਿਸੂਸ ਕਰਦੇ ਸੀ।
ਕਿਸੇ ਸਦਮਾਮਈ ਘਟਨਾ ਲਈ ਬਚਣ ਵਾਲਿਆ ਦੇ ਪ੍ਰਤੀਕਰਮਾਂ ਲਈ ਮੱਦਦ ਕਦੋਂ ਲੈਣੀ ਹੈ
ਬੱਚਣ ਵਾਲਿਆ ਦੇ ਪ੍ਰਤੀਕਰਮ ਕਿਸੇ ਸਦਮੇ ਵਾਲੀ ਘਟਨਾ ਵਿੱਚ ਸ਼ਾਮਲ ਹੋਣ ਦਾ ਇੱਕ ਆਮ ਨਤੀਜਾ ਹੁੰਦੇ ਹਨ। ਹਾਲਾਂਕਿ, ਜੇ ਉਹ ਕੁੱਝ ਹਫ਼ਤਿਆਂ ਬਾਅਦ ਸੁਲਝਣਾ ਸ਼ੁਰੂ ਨਹੀਂ ਕਰਦੇ ਹਨ, ਤਾਂ ਇਸਦੇ ਨਤੀਜੇ ਵਜੋਂ ਕਾਫ਼ੀ ਪ੍ਰੇਸ਼ਾਨੀ ਪੈਦਾ ਹੋ ਸਕਦੀ ਹੈ। ਕੁੱਝ ਲੋਕਾਂ ਲਈ, ਇਹ ਮਾਨਸਿਕ ਸਿਹਤ ਸਮੱਸਿਆਵਾਂ (ਜਾਂ ਉਨ੍ਹਾਂ ਮਾਨਸਿਕ ਸਿਹਤ ਸਮੱਸਿਆਵਾਂ ਨੂੰ ਹੋਰ ਵਿਗਾੜ ਸਕਦਾ ਹੈ ਜੋ ਉਹਨਾਂ ਨੂੰ ਘਟਨਾ ਤੋਂ ਪਹਿਲਾਂ ਹੀ ਸੀ), ਜਿਵੇਂ ਕਿ ਸਦਮੇ ਤੋਂ ਬਾਅਦ ਦਾ ਤਣਾਅ, ਨਿਰਾਸ਼ਾਜਨਕ ਭਾਵਨਾਵਾਂ ਜਾਂ ਚਿੰਤਾ ਦੀਆਂ ਸਥਿਤੀਆਂ।
ਸਿੱਖਿਅਤ ਪੇਸ਼ੇਵਰਾਂ ਦੀ ਸ਼ੁਰੂਆਤੀ ਸਹਾਇਤਾ ਜਟਿਲਤਾਵਾਂ ਨੂੰ ਰੋਕ ਸਕਦੀ ਹੈ ਅਤੇ ਰਿਕਵਰੀ ਪ੍ਰਕਿਰਿਆ ਵਿੱਚ ਮੱਦਦ ਕਰ ਸਕਦੀ ਹੈ। ਪੇਸ਼ੇਵਰ ਮੱਦਦ ਲਓ ਜੇਕਰ:
- ਤੁਹਾਡੀਆਂ ਪ੍ਰਤੀਕਿਰਿਆਵਾਂ ਤੁਹਾਡੇ ਰੋਜ਼ਮਰਾ ਜੀਵਨ ਅਤੇ ਰਿਸ਼ਤਿਆਂ ਵਿੱਚ ਦਖਲ ਦੇ ਰਹੀਆਂ ਹਨ
- ਘਟਨਾ ਦਾ ਪ੍ਰਭਾਵ ਘੱਟ ਬਹਿ ਰਿਹਾ ਹੈ ਅਤੇ ਇਸ ਬਾਰੇ ਤੁਹਾਡੀਆਂ ਭਾਵਨਾਵਾਂ ਘੱਟ ਨਹੀਂ ਰਹੀਆਂ ਹਨ
- ਭਾਵੇਂ ਤੁਸੀਂ ਇਸ ਨੂੰ ਕਿਵੇਂ ਵੀ ਦੇਖਦੇ ਹੋ, ਇਸ ਘਟਨਾ ਦਾ ਕੋਈ ਮਤਲਬ ਨਹੀਂ ਬਣ ਰਿਹਾ ਹੈ
- ਤੁਸੀਂ ਪਹਿਲਾਂ ਆਨੰਦਦਾਇਕ ਜਾਂ ਅਰਥਪੂਰਣ ਲੱਗਣ ਵਾਲੀਆਂ ਗਤੀਵਿਧੀਆਂ ਵਿੱਚ ਦਿਲਚਸਪੀ ਘੱਟਣ ਦਾ ਅਨੁਭਵ ਕਰ ਰਹੇ ਹੋ
- ਤੁਸੀਂ ਆਪਣੇ-ਆਪ ਨੂੰ ਲੋਕਾਂ ਤੋਂ ਅਲੱਗ ਕਰ ਰਹੇ ਹੋ
- ਤੁਹਾਨੂੰ ਸੌਣ, ਖਾਣ-ਪੀਣ, ਤੁਹਾਡੇ ਮੂਡ, ਰਿਸ਼ਤੇ, ਕੰਮ ਜਾਂ ਮਨੋਰੰਜਨ ਵਿੱਚ ਮੁਸ਼ਕਲ ਆ ਰਹੀ ਹੈ
- ਤੁਸੀਂ ਗੁੱਸੇ, ਡਰ, ਦੋਸ਼ੀਪਨ ਅਤੇ ਵਿਰੋਧਮਈ ਤੀਬਰ ਭਾਵਨਾਵਾਂ ਨੂੰ ਮਹਿਸੂਸ ਕਰਨਾ ਜਾਰੀ ਰੱਖਦੇ ਹੋ
- ਤੁਸੀਂ ਸਵੈ-ਸਜ਼ਾ ਜਾਂ ਸਵੈ-ਨੁਕਸਾਨ ਬਾਰੇ ਸੋਚ ਰਹੇ ਹੋ, ਜਾਂ ਜ਼ੋਖਮ ਉਠਾ ਰਹੇ ਹੋ ਜੋ ਤੁਸੀਂ ਆਮ ਤੌਰ 'ਤੇ ਨਹੀਂ ਉਠਾਉਂਦੇ ਹੋ।
ਬੱਚਣ ਵਾਲਿਆ ਦੇ ਪ੍ਰਤੀਕਰਮਾਂ ਲਈ ਸਵੈ-ਸਹਾਇਤਾ
ਜੇਕਰ ਤੁਸੀਂ ਕਿਸੇ ਸਦਮਾਮਈ ਘਟਨਾ ਲਈ ਬੱਚਣ ਵਾਲਿਆਂ ਦੇ ਪ੍ਰਤੀਕਰਮਾਂ ਦਾ ਅਨੁਭਵ ਕਰ ਰਹੇ ਹੋ ਤਾਂ ਇੱਥੇ ਬਹੁਤ ਸਾਰੀਆਂ ਚੀਜ਼ਾਂ ਹਨ ਜੋ ਤੁਸੀਂ ਆਪਣੀ ਮੱਦਦ ਕਰਨ ਲਈ ਕਰ ਸਕਦੇ ਹੋ।
- ਸਹਾਇਕ ਲੋਕਾਂ ਨਾਲ ਗੱਲ ਕਰੋ ਜੋ ਤੁਹਾਡਾ ਬਾਰੇ ਕੋਈ ਰਾਏ ਕਾਇਮ ਨਹੀਂ ਕਰਨਗੇ। ਆਪਣੀਆਂ ਭਾਵਨਾਵਾਂ ਨੂੰ ਦੱਸਣ ਨਾਲ ਤੁਹਾਨੂੰ ਪਿੱਛੇ ਹਟਣ ਅਤੇ ਚੀਜ਼ਾਂ ਨੂੰ ਦ੍ਰਿਸ਼ਟੀਕੋਣ ਵਿੱਚ ਲਿਆਉਣ ਵਿੱਚ ਮੱਦਦ ਮਿਲ ਸਕਦੀ ਹੈ।
- ਆਪਣੇ ਪ੍ਰਤੀਕਰਮਾਂ ਨੂੰ ਆਪਣੇ ਮਨ ਵਿੱਚ ਦਬਾਉਣ ਦੀ ਕੋਸ਼ਿਸ਼ ਨਾ ਕਰੋ - ਉਹਨਾਂ ਨੂੰ ਸਵੀਕਾਰ ਕਰੋ, ਉਹਨਾਂ ਨੂੰ ਸਮਝਣ ਦੀ ਕੋਸ਼ਿਸ਼ ਕਰੋ ਅਤੇ ਉਹਨਾਂ ਨੂੰ ਘੱਟਣ ਲਈ ਆਪਣੇ ਆਪ ਨੂੰ ਸਮਾਂ ਦਿਓ, ਪਰ ਧਿਆਨ ਰੱਖੋ ਕਿ ਤਰਕਪੂਰਨ ਸੋਚ ਕਿਸੇ ਸਦਮਾਮਈ ਘਟਨਾ ਲਈ ਭਾਵਨਾਤਮਕ ਪ੍ਰਤੀਕਿਰਿਆ ਨੂੰ ਦੂਰ ਕਰਨ ਵਿੱਚ ਮੱਦਦ ਨਹੀਂ ਕਰ ਸਕਦੀ ਹੈ।
- ਸਵੀਕਾਰ ਕਰੋ ਕਿ ਤੁਸੀਂ 'ਸਿਰਫ਼ ਇੱਕ ਇਨਸਾਨ' ਹੋ। ਕੋਈ ਵੀ ਐਮਰਜੈਂਸੀ ਵਿੱਚ ਸਿਰਫ਼ ਉਹੀ ਕਰ ਸਕਦਾ ਹੈ ਜੋ ਉਹ ਸਥਿਤੀ ਇਜਾਜ਼ਤ ਦਿੰਦੀ ਹੈ।
- ਦੂਜਿਆਂ ਨਾਲ ਆਪਣੀ ਤੁਲਨਾ ਕਰਨ ਦੀ ਕੋਸ਼ਿਸ਼ ਨਾ ਕਰੋ - ਹਰ ਕੋਈ ਵੱਖਰਾ ਹੈ। ਇਸ ਦੀ ਬਜਾਏ, ਆਪਣੀ ਸਥਿਤੀ ਦਾ ਇਸ ਦੇ ਆਪਣੇ ਗੁਣਾਂ 'ਤੇ ਮੁਲਾਂਕਣ ਕਰਨ ਦੀ ਕੋਸ਼ਿਸ਼ ਕਰੋ ਅਤੇ ਜਿੰਨ੍ਹਾਂ ਤੁਸੀਂ ਕਰ ਸਕਦੇ ਹੋ ਆਪਣੇ ਆਪ ਤੋਂ ਉਸ ਤੋਂ ਜ਼ਿਆਦਾ ਕਰਨ ਦੀ ਉਮੀਦ ਨਾ ਕਰੋ ।
- ਉਪਲਬਧੀ ਦੇ ਉੱਚੇ ਮਾਪਦੰਡ ਨਿਰਧਾਰਤ ਕਰਕੇ ਦੋਸ਼ੀਪਨ ਦੀ ਭਾਵਨਾ ਨੂੰ 'ਬੰਦ' ਕਰਨ ਦੀ ਕੋਸ਼ਿਸ਼ ਨਾ ਕਰੋ ਕਿਉਂਕਿ ਇਹ ਬੇਲੋੜੇਪਨ ਦੀਆਂ ਭਾਵਨਾਵਾਂ ਨੂੰ ਬਹੁਤ ਘੱਟ ਵਾਰ ਹੀ ਰਾਹਤ ਦਿੰਦਾ ਹੈ। ਇਸ ਦੀ ਬਜਾਏ, ਤੁਹਾਡੀਆਂ ਭਾਵਨਾਵਾਂ ਨੂੰ ਪ੍ਰੇਰਿਤ ਕਰਨ ਵਾਲੀ ਚੀਜ਼ ਦਾ ਸਾਹਮਣਾ ਕਰਨ ਦੀ ਕੋਸ਼ਿਸ਼ ਕਰੋ।
- ਕਿਸੇ ਸਮੱਸਿਆ ਨੂੰ ਹੱਲ ਕਰਨ ਜਾਂ ਸਮਝਾਉਣ ਦੀ ਬਜਾਏ ਜੀਵਨ ਦੇ ਸਫ਼ਰ ਦੇ ਹਿੱਸੇ ਵਜੋਂ ਅਨੁਭਵ ਨੂੰ ਸਵੀਕਾਰ ਕਰਨ ਦੀ ਕੋਸ਼ਿਸ਼ ਕਰੋ।
ਮੱਦਦ ਕਿੱਥੋਂ ਲੈਣੀ ਹੈ
- ਤੁਹਾਡਾ ਜੀਪੀ (ਡਾਕਟਰ), ਮਾਨਸਿਕ ਸਿਹਤ ਮਾਹਿਰ, ਜਿਵੇਂ ਕਿ ਕੋਈ ਦਵਾਈ ਨਾਲ ਇਲਾਜ ਕਰਨ ਵਾਲੇ ਮਨੋਰੋਗ ਮਾਹਿਰ (ਸਿਕਾਇਅਟ੍ਰਿਸਟ), ਸਲਾਹ-ਮਸ਼ਵਰੇ ਵਾਲੇ ਮਨੋਵਿਗਿਆਨੀ (ਸਾਇਕੋਲੋਜਿਸਟ), ਸਲਾਹਕਾਰ ਜਾਂ ਸਮਾਜ ਸੇਵਕ
- ਤੁਹਾਡਾ ਸਥਾਨਕ ਭਾਈਚਾਰਕ ਸਿਹਤ ਕੇਂਦਰ
- ਆਸਟ੍ਰੇਲੀਅਨ ਸਾਈਕੋਲਾਜੀਕਲ ਸੋਸਾਇਟੀ ਰੈਫ਼ਰਲ ਸਰਵਿਸ ਟੈਲੀਫ਼ੋਨ 1800 333 497
- ਫੀਨਿਕਸ ਆਸਟ੍ਰੇਲੀਆ ਸੈਂਟਰ ਫਾਰ ਪੋਸਟ-ਟਰੌਮੈਟਿਕ ਮੈਂਟਲ ਹੈਲਥ ਟੈਲੀਫ਼ੋਨ (03) 9035 5599
- Centre for Grief and Bereavement (ਮਾਤਮ ਅਤੇ ਸੋਗ ਲਈ ਕੇਂਦਰ) ਟੈਲੀਫ਼ੋਨ 1800 642 066
ਜਿਹੜੀਆਂ ਆਮ ਟੈਲੀਫ਼ੋਨ ਸਲਾਹ ਸੇਵਾਵਾਂ ਸਲਾਹ ਪ੍ਰਦਾਨ ਕਰ ਸਕਦੀਆਂ ਹਨ:
- Lifeline (ਲਾਈਫ਼ਲਾਈਨ) ਟੈਲੀਫ਼ੋਨ 13 11 14
- GriefLine (ਗ੍ਰੀਫ਼ਲਾਈਨ) ਟੈਲੀਫ਼ੋਨ 1300 845 745
- beyondblue (ਬਾਇਓਂਡਬਲੂ) ਟੈਲੀਫ਼ੋਨ 1300 22 4636
- ਨਰਸ-ਔਨ-ਕਾਲ ਟੈਲੀਫ਼ੋਨ 1300 60 60 24 – ਮਾਹਰ ਸਿਹਤ ਜਾਣਕਾਰੀ ਅਤੇ ਸਲਾਹ ਲਈ (24 ਘੰਟੇ, 7 ਦਿਨ)
ਹੋਰ ਜਾਣਕਾਰੀ ਲਈ ਇੱਥੇ ਜਾਓ:
This page has been produced in consultation with and approved by:
